زموږ ژمنتیا له افغانستانه د پناه غوښتونکو د ملاتړ لپاره

د کابل هوايي پل له ۲۰۲۱ کال د اګست راهیسې تر ۴,۰۰۰ ډېرو کسانو ته له افغانستانه د خوندي وتلو زمینه برابره کړې ده. خو لا هم له ۱۰,۰۰۰ ډېرو کسانو د آلمان له لوري د منلو ژمنه شوې، خو هغوی لاهم منتظر دي. تر هغه وخته چې دا ژمنه عملي نه شي، دوی د آلمان د حکومت له مخې نشي کولای افغانستان پرېږدي – ځکه چې له وخته وړاندې وتل به د دوی د منلو پروسه له خطر سره مخ کړي.

موږ، د کابل هوايي پل غړي، له هغو کسانو سره د مرستې لپاره ټول امکانات کاروو چې لا هم له خطر سره مخ دي. له پیل راهیسې موږ له خپلو شریکانو سره په پاکستان، افغانستان او آلمان کې هره ورځ کار کوو، څو له هېواد څخه د وتلو خوندي او قانوني لارې ومومو. موږ په منظم ډول هغه کسان ایووکوو (راوباسو) چې له خطر سره مخ وي – په ځانګړي ډول یواځې ښځې او کوچنیان.

اوس مهال، موږ یوازې هغه کسان ایووکوو کولای شو چې د آلمان له حکومته لیکلې د منلو ژمنه یا د آلمان اقامتي اسناد ولري. دا چې دا ډول ژمنه چا ته ورکول کېږي، یواځې د آلمان حکومت پرېکړه کوي – موږ پر دې هېڅ اغېز نه لرو.