د فدرالي منلو پروګرام هدف لرونکي کسان هغه افغانان دي چې لا هم په افغانستان کې دي، او:

• د ښځو/انساني حقونو په برخه کې د خپل فعالیت یا په قضایي، سیاسي، رسنیو، تعلیم، کلتور، ورزش یا ساینس برخو کې د خپل کار له امله ځانګړې ګواښ ته مخامخ شوي او په انفرادي توګه په خطر کې دي،
  یا/او

• د خپل جنس، جنسي تمایل یا جنسیتي پېژندنې، یا دین له امله په ځانګړو شرایطو کې ځانګړې تاوتریخوالي یا تعقیب سره مخ دي یا شوي، او له همدې امله په ځانګړي او انفرادي ډول په خطر کې دي، په ځانګړې توګه د ښځینه حقونو د سختو سرغړونو، د همجنسباز یا ټرانس ضد بشري حقونو سرغړونو قربانیان، یا د مذهبي ډلو/جماعتونو څرګند استازي.

تاسو خپله نشئ کولای په مستقیم ډول د آلمان فدرالي حکومت سره د منلو پروګرام لپاره ځان ثبت کړئ. ثبتنام د ټاکلو غیر دولتي سازمانونو له لارې ترسره کېږي. دې سازمانونو ته «ثبت حق لرونکې ادارې» ویل کېږي. دغه ثبت حق لرونکې ادارې عامو خلکو ته پېژندل شوې نه دي.

نه. ځکه چې د فدرالي منلو پروګرام لپاره غوښتل شوي معلومات د پخوانیو معلوماتو څخه توپیر لري، نو بدبختانه باید بیا ثبتنام وشي.

نه، اوس مهال د منلو پروګرام ودرول شوی دی او نوي کیسونه ثبتېدلی نشي. کله چې نوې معلومات راشي، موږ به یې په خپله ویب پاڼه کې خبر درکړو.

په همغږۍ دفتر کې ثبتنام په اوتومات ډول د منلو پروګرام لپاره ثبتنام نه دی. د نورو معلوماتو لپاره مهرباني وکړئ دا لینک وکاروئ: (https://www.koordinierungsstelle.org)

نه. اوس مهال د منلو پروګرام د انتخاب بهیر یوازې هغو کسانو ته متمرکز دی چې د ثبتنام په وخت کې په افغانستان کې وي. (https://www.bundesaufnahmeprogrammafghanistan.de/bundesaufnahme-en/bundesaufnahmeprogramm-faq/-/2557876).

نه. په محلي سفر دفترونو کې په دې پروګرام کې هیڅ رول نه لري. یوازې یو محدود شمېر سازمانونه (NGOs) چې په آلمان کې مېشت دي، د دې پروګرام لپاره د ثبتنام اجازه لري. رسمي ثبت حق لرونکې ادارې په آلمان کې دي او د ثبتنام لپاره پیسې نه اخلي. پاملرنه – هغه سازمانونه چې د ثبتنام لپاره پیسې غواړي، درغلي ده! په دې وروستیو کې موږ ولیدل چې ځینې کسان په ناسم ډول د کابل هوايي پله برخه بولي او پیسې غواړي. که تاسو له داسې پېښو سره مخ شئ، مهرباني وکړئ هغوی info@kabulluftbrücke.de ته راپور کړئ.